“Lögreglan á höfuðborgarsvæðinu hefur boðað Sturlu Jónsson, talsmann flutningabílstjóra, til skýrslutöku í fyrramálið vegna mótmælaaðgerða, sem bílstjórarnir hafa staðið fyrir undanfarna daga.”
Þvílík harka!! Þvílíkt hugrekki!! Þetta kallar maður að standa undir nafni: Með lögum skal land byggja. Flutningabílstjórar eru búnir að lama umferð í höfuðborginni, öllu venjulegu fólki til ama og leiðinda og valdið tjóni td. með því að raska flugumferð með því að hindra fólk að komast til starfa.
Stefán Eiríksson, lögreglustjóri var einn af arkitektum aðgerða gegn líkams- og íhugunarhreyfingunni Falun Gong um árið þegar ekki var hikað við að grípa til umfangesmikilla aðgerða og í sumum tilfellum ofbeldi til að hindra fólk í að tjá skoðanir sínar. Hvers vegna þessa linkind nú ? Hvers vegna ekki sömu hörku og gagnvart Saving Iceland?
þriðjudagur, 8. apríl 2008
Harkan sex: skýrslutaka
Gerast áskrifandi að:
Birta ummæli (Atom)
2 ummæli:
Nei hættu nú alveg Árni!
Við erum ekki tala hér um lopapeysuterroristana úr Hljómalind. Þessa Pol plottara sem ætla að taka af okkur framtíðarland flatskjáa og rafmagnsdósaopnara. Þessa volandi, SigurHrósandi talibana sem geta ekki unað okkur dásemdir alþjóðlegra skyndibitalausna. Svo er sumt af þessu fólki frá útlöndum.
Við erum heldur ekki að tala um þetta stórundarlega Austurlandahyski sem mótmælir með skrumskældum útgáfum af Mullers- æfingum Þórbergs. Þetta lið hefði orðið okkur til skammar á Lækjartorgi hins himneska friðar. Og þetta fólk var allt frá útlöndum!
Nei, Árni, við erum að tala hér um þjóðholla trukkara sem vilja sinn dísel. Menn, þétta í lund, sem fara á sínum átján hjólum útí sjoppu eftir sígó. Menn sem stíga pedalann í botn og blása framan í þennan Gore-mælta falsspámann sem Egill Helga hefur skafið ofan af með sínu botnlausa og hárbeitta hyggjuviti. Þetta eru íslenskar hetjur sem hafa gefið þjóðinni kost á að mótmæla úr miðstöðvarhlýju sinna gljábónuðu Glitnislánsbíla. Þetta eru menn sem segja; "Vér flautum allir" - og þjóðin flautar með.
Þarna er ólíku saman að jafna, Árni minn.
Þú ert bara eitthvað fúll ennþá yfir því að Stebbi lét Geirjón toga í bindið þitt um árið.
Þetta er hið nýja Ísland - framtíðarlandið á flautunni.
kv
Kristinn Hrafnsson
Gamli sorrý Gráni, mæl þú allra manna heilastur...
Er enn í fersku minni ummæli þín um einn vin- og farsælan kennara okkar sem að þú hafðir vissu um að ekki væri allur þar sem hann væri séður, svohljóðandi: "Þú ættir að sjá Porsche gleraugun hans"! ;-)
En það er rétt! "Með lögum skal land byggja en ólögum eyða"...en því miður vill þetta ídeal oft reka horn sitt í síðu þess aðila sem að hefur lögskipaðan og verndaðan rétt á að beita þegnana ofríki og og engum vettlingatökum. Sjaldan launar kálfurinn ofbeldið við þær gegningar, eins og Árna hefur væntanlega orðið ljóst þarna um árið. Hefði hann haft e-a reynslu úr veitingabransanum hefði hann náttúrulega aldrei borið þetta hálstau in the first place...enda fyrsta gullvæg regla úr þeim bransa. Aldrei bera hengingaról um hálsinn, þú tyggur ekki eftirá!
Kv.
Gamall skólabróðir beggja
Skrifa ummæli