föstudagur, 14. nóvember 2008

Loksins!Loksins!

Loksins loksins


Þá er Geir H. Haarde loksins hættur að berja höfðinu við steininn og er tilbúinn að viðurkenna staðreyndir: Sjálfstæðismenn eru búnir að opna á ESB. Loksins! Loksins!

Það þurfti þjóðargjaldþrot til að Sjálfstæðismenn viðurkenndu það sem öllum hefði átt að vera ljóst fyrir löngu að Ísland gæti ekki verið eitt og yfirgefið út í miðju Atlantshafi.

Nú tekur við slagurinn við Heimastjórnarmenn og spennandi verður að sjá viðbrögð Davíðs Oddssonar, Björns Bjarnasonar og Hannesar Hólmsteins. Kannski eru þeir búnir að gefast upp, hver veit?

Ekkert smávegis sem þessir menn þurfa að éta ofan í sig ef þeir ætla að halda áfram í pólítik og þar er Davíð jú enn, gamall slagsmálahundur lúinn og særður. Nú er ekkert eftir af því sem hann hefur staðið fyrir í pólitík: landið er herstöðvalaust, það er búið að þjóðnýta allt sem hreyfist, efnahagslifið í kaldakoli og við á leið í ESB.

Ef Ísland ætlar að hafa einhvern trúverðugleika hljóta þessir menn og forsætisráðherrann líka að víkja því þeir sáu ekki ljósið fyrr en eftir að hafa eyðilagt efnahag Íslendinga og einni samningsstöðu okkar við Evrópusambandið.

Haldið þið að einhver í ESB ríkjunum telji Geir og Davíð trúverðuglega eftir það sem á undan er gengið. Loksins loksins


Þá er Geir H. Haarde loksins hættur að berja höfðinu við steininn og er tilbúinn að viðurkenna staðreyndir: Sjálfstæðismenn eru búnir að opna á ESB. Loksins! Loksins!

Það þurfti þjóðargjaldþrot til að Sjálfstæðismenn viðurkenndu það sem öllum hefði átt að vera ljóst fyrir löngu að Ísland gæti ekki verið eitt og yfirgefið út í miðju Atlantshafi.

Nú tekur við slagurinn við Heimastjórnarmenn og spennandi verður að sjá viðbrögð Davíðs Oddssonar, Björns Bjarnasonar og Hannesar Hólmsteins. Kannski eru þeir búnir að gefast upp, hver veit?

Ekkert smávegis sem þessir menn þurfa að éta ofan í sig ef þeir ætla að halda áfram í pólítik og þar er Davíð jú enn, gamall slagsmálahundur lúinn og særður. Nú er ekkert eftir af því sem hann hefur staðið fyrir í pólitík: landið er herstöðvalaust, það er búið að þjóðnýta allt sem hreyfist, efnahagslifið í kaldakoli og við á leið í ESB.

Ef Ísland ætlar að hafa einhvern trúverðugleika hljóta þessir menn og forsætisráðherrann líka að víkja því þeir sáu ekki ljósið fyrr en eftir að hafa eyðilagt efnahag Íslendinga og einni samningsstöðu okkar við Evrópusambandið.

Það er nauðsynlegt að hreinsa til með nýrri stefnu og það verða Sjálfstæðismenn að gera. Ísland hefur engan trúverðugleika við samningaborðið, sitji Geir og Davíð áfram.

En nú er landið örlítið farið að rísa: Jibbí gaman gaman.

19 ummæli:

Nafnlaus sagði...

Af hverju finnst mér gjaldþrotið sé tilkomið vegna EES? En ekki vegna þess að við séum ekki í ESB. Ég var reyndar alltaf á móti EES samningnum sem var að mínu mati mesta glapræði, þar sem við létum allt en fengum ekkert. Annað hvort áttum við að ganga í ESB eða halda okkur fyrir utan. EES án virðisauka og tollabandalags var algerlega einskis virði, nema fyrir styrki til fræðimanna.
mkv
Björn Jónasson

Nafnlaus sagði...

Við skulum vona að Sjálfstæðismenn og konur séu búnir að komast að því núna að flokkurinn sé stærri í sniðum en Davíð Oddson og hollusta hans snúi frekar að þjóðinni heldur en einstökum flokksmönnum!
 
Dýrkun þeirra og hollusta við einstaklinga sem tilheyra flokknum á kostnað þjóðarinnar er það sem ollið hefur þeim vandræðum sem þjóðin á við að glíma núna.
 
Það gleymist aldrei sama hvernig brugðist verður við nú.
 
En batnandi fólki er best að lifa....bara ekki á kostnað okkar hinna lengur, takk, enda erum við ekki aflögufær lengur.

Góðar stundir.

Nafnlaus sagði...

Spurning hvort reiði fólks verði ekki áður komin á það stig að blautur draumur Dómsmálaráherra, Björns Bjarna, um geta beitt víkingasveitinni á almenning verði að veruleika?

Það er langt í mánaðarmót jan-feb og kreppan er í raun ekki lent af neinni alvöru.

Spurning hvernig þetta verður um jólin og strax í byrjun janúar þegar þúsundir mæla göturnar atvinnulausir og á beinni leið í gjaldþrot!

En það er alveg ljóst að tími Björns Bjarna rann upp um leið og bankarnir féllu og kallinn skemmtir sér vel núna...

Verði honum að góðu

Nafnlaus sagði...

Velkominn aftur Árni! Þín var saknað. Mig langar að vísa á annan loksins, loksins! pistil:

http://jgfreemaninternational.blog.is/blog/jgfreemaninternational/

Nafnlaus sagði...

Velkominn úr bloggfríinu, gott að það var ekki lengra:-)

Nafnlaus sagði...

Góðir punktar!!
......og velkominn !!

Jón Frímann sagði...

Þú þarft að laga textann. Ég er að lesa tvöfaldan texta.

Þetta eru mjög góðar fréttir, sjáum til hvað gerist í framhaldinu.

Ég vona að umsókn inní ESB gerist sem fyrst. Enda þarfnast Ísland ESB meira heldur en ESB þarfnast Íslands.

Nafnlaus sagði...

Velkominn aftur.

Engan aumingjaskap lengur, drengur. Þú verður að standa vaktina líkt og við hin og þetta form hentar þér vel, þ.e.a.s. blogginnlegg þitt í umræðuna.

Það er og verður þitt framlag að hjálpa þjóðinni á fæturnar aftur. Það er hægt að moka skít á mismunandi hátt.

Við höfum sýnt það að dropinn holar steininn og þar átt þú mikinn heiður skilið fyrir að gefast ekki upp.

Keep up the good work.

Friðrik

Nafnlaus sagði...

Nýfundnaland 1949
Ísland 2009

Ótrúlegt hvað við náðum samt langt!

kv,
Sagan

Daníel sagði...

Er það ekki einkenni manna sem vilja láta taka sig alvarlega, taka sig alvarlega, að tvítaka það sem þeir segja, tvítaka það sem þeir segja?

Nafnlaus sagði...

Loksins?

Ég held að spurningamerki eigi hér við fremur en upphrópunarmerki. Að Sjálfstæðisflokkurinn skuli voga sér að kalla til blaðamannafundar til að segja af því að þeir ætli að setja Evrópumálin í nefnd og flýta landsfundi um nokkra mánuði lýsir fádæma firringu. Landið er að sökkva en þetta eru þau eru að bauka! Ef ég væri dóni myndi ég ráðleggja Geir að taka hausinn úr rassgatinu á sér. En geri það náttúrlega ekki sem kurteis maður. Þó ég hafi ekki orðið eins reiður síðan þetta ball byrjaði og nú. Hvað kemur þjóðinni það við að Flokkurinn ætli að setja mál í nefnd og flýta einhverjum fundi?
En reyndar er athyglisvert að lesa á milli lína. Því þetta segir okkur að a) Ráðamenn hafa setið aðgerðarlausir árum saman og ekki gert neitt nema senda boðskort í afmælisveislur sínar á bréfsefni ráðuneytisins. b) Að Flokkurinn skipti miklum mun meira máli en þjóðarhagur því þetta er náttúrlega ekkert annað en desperat björgunaraðgerð til að bjarga honum. c) Að Þorgerði er leyft að vinna smáorrustu í hatrömu stríði við Davíð sem er hættulegri en nokkru sinni sem sært ljón - rétt að byrja. Þetta droll gæti reynst Pyrrhosarsigur Þorgerðar. d) Og að endingu, svo ég vitni í dr. Gunna vin minn: Það er eins og þetta lið haldi að þjóðin sé tvær bláhærðar konur með slæðu sem þarf að tilkynna með góðum fyrirvara það að Landsfundi hafi verið flýtt.

Kveðja,
Jakob

Ps. Gott að sjá þig aftur Árni á ritvellinum og takk fyrir frábæra færslu um vinkonuvæðingu ISG. Það er sannast sagna skerí shitt að sjá svart á hvítu að það er nákvæmlega sami rassinn undir henni og Geira.

Nafnlaus sagði...

Varstu ekki hættur að blogga hér á Eyjunni?

ÞEtta er nú ekki sama og að við förum í viðræður við þetta skítapakk, sem er búið að hóta okkur og misnota algerlega alþjóðastofnanir.

Svo eru IMF ´búnir að segja frá fantabrögðum ESB ríkja í okkar garð.

Almenningur mun fá að vita þetta hratt og vel.

Haltu þér svo þarna í Brussel þar fer vel um þig í faðmi kvalara þjóðar okkar.

Miðbæjaríhaldið
þú veist af hvað sort hann er.

Nafnlaus sagði...

Ég myndi fara varlega í það að fagna. Geir Harði gaf það allhressilega í skyn á blaðamannafundinu hver niðurstaða xd verður í janúar.

Ég þoli ekki orðið Geir. Hvernig hann talar til þjóðar sinnar af hroka og yfirlæti. Og lýgur trekk í trekk. Samanber loftrýmiseftirlitið. Heldur hann að fólk sé Asnar. Hann segir að þetta hafi ekkert með Icesave deiluna að gera en á eftir kemur Ingibjörg og útskýrir í ekki svo mörgum orðum að Bretum hafi verið gert ljóst að þeir væru allt annað en velkomnir.

Jón H. Eiríksson

Nafnlaus sagði...

Og boltin rúllar annan hring.

Bjarni Ben
Siggi Kári
Gísli Marteinn
Kannski Birgir Tjörvi
(held að þeir nenni ekki einu sinni að hafa Birgi Ármanns með)

Deiglan er vængbrotin (svo vægt sé til orða tekið)

Geirinn sagði...

Vonandi að einhver fylking innan Sjálfstæðisflokksins taki sig til og setji Geir af sem formann.
Annars er borin von að þessi Evrópunefnd skili annarri niðurstöðu en að ESB sé óheppilegur kostur...

Nafnlaus sagði...

Um mótmælin á morgun

http://this.is/nei/?p=525

Björn Heiddal sagði...

Kæri Árni,

Ert þú einn af þessum mönnum og konum sem þiggja greiðslur fyrir ESB áróður? Ef svo er værir þú til í að upplýsa hversu háar þær eru og í gegnum hvaða aðila þær koma.

Eiríkur Bergmann og Baldur Þórhallsson þiggja greiðslur fyrir í gegnum þær stofnanir sem þeir vinna hjá og einnig beina styrki úr sjóðum ESB fyrir sín "fræðistörf".

Fyrst þú nefnir ekkert sem rökstuðning fyrir innöngu þá hlýtur þetta að vera launað starf eða trúboð í sjálfboðaliðavinnu. Það hlýtur eitthvað að vera gott við ESB annað en verðlítil króna og Davíð Oddsson?

Svaraðu ef þú getur!

Nafnlaus sagði...

Það þurfti þjóðargjaldþrot segir þú.
Þá spyr ég:
Af hverju eru þeir þá ennþá við völd?

Nafnlaus sagði...

Það getur verið að við göngum inn í EB, en EB mun ganga inn í Íslenska Kvótakerfið !
LJÚ mun sjá um það með sínum helstu spunameisturum.